Капитал Банка АД Скопје има потреба од ангажирање на лице за позицијата -  Овластено лице за спречување на перење пари и финансирање тероризам

Одговорности и задачи:

• Следење на прописите и најдобрата пракса во смисла на усогласеност на работењето со позитивните законски прописи и следење на новините во прописите и меѓународните стандарди за спречување перење пари и финансирање на тероризмот;
• Советување на органите на управување за мерките коишто треба да бидат преземени заради почитување на прописите од областа на спречувањето на перењето пари и финансирањето на тероризмот, вклучувајќи и следење на сите измени и дополнувања на овие прописи;
• Воспоставување и унапредување на процедурите и постапките предвидени во Програмата за преземање на мерки и дејствија за откривање и спречување перење пари и финансирање на тероризам ;
• Имплементација на ефективна контрола за да се обезбеди потполна усогласеност со меѓународните и локалните прописи, како и со интерните процедури и политики на Банката;
• Документирање на своето работење и  доставување на редовни извештаи до Управниот одбор и Надзорниот одбор на Банката;
• Анализа на ризиците од перење пари и финансирање на тероризмот согласно  интерните акти, вклучувајки ги и сите критериуми за ризично профилирање;
• Прибирање на сите невообичаени трансакции доставени од разните организациски делови  во Банката, анализа, писмени извештаи и одлучување дали тие трансакции имаат карактеристики на сомнителна трансакција, односно донесување на одлука за нивно (не)пријавување во Управата за финансиско разузнавање;
• Комуникација со УФР.

Потребни квалификации:

• Универзитетска диплома
• Пожелно е 4-5 годишно работно искуство
• Флексибилен и проактивен пристап со желба да се постигнат резултати во брза динамична средина
• Силна етика
• Напредно познавање на Office пакетот

Доколку сакате да ја креирате иднината на мала и динамична банка, доколку имате желба, знаење и ентузијазам да се приклучите на тимoт Капитал Банка, испратете ја Вашата биографија на следнава електронска адреса: jobs@capitalbank.com.mk. Задолжително да се наведе за која позиција се аплицира. 
Вашето резиме ќе биде внесено во базата на податоци и во случај на потреба од соодветен кадар, Банката врз основа на тековните потреби ќе ве контактира.
Огласот ќе биде активен 10 дена од датумот на објавување. Изборот на кандидатите ќе се врши во рок од 10 дена од истекувањето на огласот, во зависност од бројот на пријавените кандидати. Ќе бидат контактирани само кандидатите со уредни и навремени апликации кои одговараат на условите наведени во огласот.